2100 kuzhina të prodhuara nga Kosova do të eksportohen në Afrikën Qendrore!

Gjithnjë e më shumë kompani kosovare po eksportojnë në tregjet e huaja falë mbështetjes së ofruar nga projekti EMPOWER Sektori Privat i USAID-it. Së fundmi, kompania e përpunimit të drurit DONI nga Mitrovica ka nënshkruar një kontratë të re të rëndësishme për eksportimin e 2100 kuzhinave në Republikën Demokratike të Kongos. Për tre vitet e ardhshme, kuzhinat e DONI-t do të dërgohen dhe instalohen në një komunitet të ri që po ndërtohet në vendin më qendror të Afrikës.

Megjithatë, kjo nuk është kontrata e vetme e madhe e eksportit e DONI-t. Kompania ka përfunduar me sukses marrëveshjet e eksportit me kompani dhe institucione në Norvegji, Gjermani, Shqipëri dhe Maqedoni. Për të vazhduar me kërkesën në rritje, DONI aktualisht po ndërton një objekt të ri prodhimi dhe planifikon të rrisë ndjeshëm numrin e punonjësve.

Të gjitha këto kontrata të reja erdhën pasi Sektori Privat EMPOWER i USAID-it në partneritet me Sida – Agjencia Suedeze për Bashkëpunim Ndërkombëtar për Zhvillim mbështeti DONI-n me një grant në vitin 2016 për të blerë një makinë CNC. Pajisjet e reja i kanë mundësuar kompanisë të rrisë kapacitetin prodhues dhe cilësinë e produktit, si dhe të krijojë 20 vende të reja pune deri më tani.

<>“Granti i marrë nga projekti EMPOWER Sektori Privat i USAID-it na ndihmoi të rrisim sasinë dhe cilësinë e produkteve tona dhe na mundësoi eksportimin e produkteve tona në vende të tjera. – tha Liridon Beqiri, pronar i DONI-t duke qëndruar para njërës prej kuzhinave të prodhuara nga kompania e tij.