📌 Workshop: Mësimi Profesional Dual & Skemat e Granteve

Më 13 janar 2026, në Restaurant Univers – Pejë, u mbajt me sukses takimi informues kushtuar Mësimit Profesional Dual dhe Skemave të Granteve, me pjesëmarrjen e bizneseve, institucioneve dhe partnerëve zhvillimorë.

Takimi u organizua nga SHPDK, në bashkëpunim me OEK & MIRECK, në partneritet me LuxDev – Agjencinë e Luksemburgut për Bashkëpunim Zhvillimor, me qëllim informimin dhe fuqizimin e bizneseve për përfshirje aktive në arsimin profesional dhe skemat mbështetëse financiare.

Gjatë sesionit u diskutuan:

Qëllimet dhe rëndësia e mësimit profesional dual

Përfitimet dhe detyrimet e bizneseve në këtë model

Prezantimi i projektit “Shkathtësitë për Punësim të Qëndrueshëm në Kosovë”

Mundësitë e skemave të granteve, kriteret e aplikimit dhe afatet

Diskutim i hapur me bizneset për pyetje dhe sqarime

Takimi shërbeu si një platformë e rëndësishme bashkëpunimi ndërmjet sektorit privat, institucioneve publike dhe partnerëve ndërkombëtarë, duke kontribuar në zhvillimin e fuqisë punëtore dhe rritjen e konkurrueshmërisë së bizneseve.

Falënderojmë të gjithë pjesëmarrësit dhe partnerët për angazhimin dhe kontributin e tyre.